Störf hjúkrunarfræðinga eru afar fjölbreytt og felast í hjúkrun, kennslu, vísindarannsóknum og stjórnun. Hjúkrunarfræðingar bera faglega ábyrgð á hjúkrunarþjónustu í landinu og er starfsheiti þeirra lögverndað.
Hjúkrunarfræðingar starfa víðsvegar í þjóðfélaginu, svo sem á heilbrigðisstofnunum og sjúkrahúsum, í heilsugæslu, heimahúsum, skólum og öldrunarstofnunum. Þá geta hjúkrunarfræðingar starfað erlendis, til dæmis við alþjóðleg hjálparstörf.
Helstu þættir hjúkrunar:
Hjúkrunarfræðingar fá starfsleyfi frá landlækni og þurfa að hafa lokið BS-prófi í hjúkrunarfræði að lágmarki. Hjúkrunarfræðingur þarf að þekkja vel þau lög og reglugerðir sem gilda um heilbrigðisstarfsmenn og geta borið ábyrgð á þeim forvörnum, ráðgjöf, greiningu og hjúkrunarmeðferð sem veitt er. Þá er mikilvægt að viðhalda fagþekkingu og virða siðareglur stéttarinnar.
Hjúkrunarfræði er kennd við Háskóla Íslands og Háskólann á Akureyri og er fjögurra ára nám til BS gráðu. Meistaranám er í boði við báða skólana og doktorsnám við H.Í.
Til að fá sérfræðingsleyfi á klínískum sérsviðum hjúkrunar þarf meistara- eða doktorspróf. Sérsviðin eru margvísleg og má nefna: Barnahjúkrun, bráðahjúkrun, geðhjúkrun, gjörgæsluhjúkrun, heilsugæsluhjúkrun, krabbameinshjúkrun, skurðhjúkrun og öldrunarhjúkrun. Sjá nánar á heimasiðu Félags íslenskra hjúkrunarfræðinga.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
