Flokkstjórar og leiðbeinendur í vinnuskólum skipuleggja og stýra sumarvinnu 14 – 17 ára unglinga. Vinnuhóparnir sinna umhirðu, ræktun, viðhaldi og fleiri verkefnum, oft í tengslum við garða, íþrótta- og útivistarsvæði. Verkefnin geta verið nokkuð fjölbreytt svo sem að gróðursetja, slá og raka, hreinsa beð, grisja skóg, mála, tína rusl, sópa, þrífa, smíða og leggja hellur, grasþökur eða göngustíga.
Flokkstjóri í vinnuskóla þarf að vera fær í samskiptum ásamt því að geta verið unglingum góð fyrirmynd. Vinnusemi, stundvísi og sjálfstæði í starfi eru jafnframt mikilvægir kostir. Í Reykjavík er lágmarksaldur leiðbeinenda 22 ár auk þess sem gerð er krafa um framhaldsskólamenntun.
Ekki er gerð formleg krafa um menntun til að gegna starfi flokkstjóra í vinnuskóla en reynsla af starfi með unglingum er æskileg auk þess sem gott er að þekkja til agastjórnunar, líkamsbeitingar í vinnu, skyndihjálpar og vinnuverndar.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
