Kranastjórar stýra ýmsum gerðum krana á byggingar- og hafnarsvæðum. Unnið er við að lyfta því sem ekki gengur að lyfta handvirkt s.s. margskonar vörum og búnaði.
Starfið fer oftast fram á iðnaðar- eða byggingarsvæðum og í tengslum við flutninga- og skipaiðnað. Vinnuumhverfið getur verið hættulegt og því eru gerðar miklar kröfur um öryggi en alla jafna er það rekstraraðila að tryggja að verkið fari fram á öruggan hátt.
Til að stýra krana þarf ákveðin vinnuvélaréttindi. Mikilvægt er að geta unnið í mikilli hæð, skilvirkt og af nákvæmni með einbeitinguna í lagi. Góð sjón og heyrn er nauðsyn og einnig að búa að nýjustu þekkingu á starfinu hverju sinni.
Byggt á Utdanning.no – Kranfører
Til að stjórna vinnuvél á Íslandi þarf að hafa tilskilinn réttindi sem hægt er að kynna sér á vef Vinnueftirlitsins.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
