Starfsfólk í vöruhúsum vinnur við skipulag vöru í geymslu, móttöku hennar, staðsetningu, öryggi og afgreiðslu til viðskiptavina svo sem til smásöluverslana, heildsala eða verksmiðja.
Starfsmaður vöruhúss getur unnið hjá opinberum stofnunum og fyrirtækjum jafnt sem einkaaðilum. Vinnuumhverfi getur verið afar mismunandi, allt frá smærri lager til stórra vöruhúsa. Í flestum tilfellum felur starfið þó í sér nokkur samskipti, til dæmis við sölumenn og viðskiptavini.
Starfsmenn í vöruhúsum og á lager þurfa að búa yfir skipulagshæfileikum og vera áreiðanlegir. Grunnleikni á tölvur og forrit sem starfinu tengjast er æskileg auk lyftara- og/eða meiraprófs.
Ekki er gerð formleg krafa um menntun en ýmis starfstengd námskeið kunna að vera í boði.
Raunfærnimat hefur farið fram og/eða kann að vera í boði.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
