Starf póstbera felst í að flokka póst eftir póstnúmerum og götuheitum og dreifa honum inn á einkaheimili og til fyrirtækja. Um getur verið að ræða ýmiskonar bréf, tímarit, auglýsingaefni, pakka og annað þess háttar. Aðallega er um útivinnu við dreifingu að ræða þar sem flokkun pósts í dag fer að mestu fram í vélum.
Bréfberar starfa flestir hjá Póstinum.
Bréfberar þurfa að vera samviskusamir, ábyrgðarfullir og þjónustumiðaðir. Mikilvægt er að geta hvort tveggja unnið sjálfstætt og með öðrum. Bréfberi er andlit póstþjónustunnar út á við og þarf oft að geta brugðist hratt og nákvæmlega við, með þarfir kúnnans að leiðarljósi. Gott líkamlegt form er æskilegt og stundum er farið fram á ökuréttindi.
Ekki er krafist sérstakrar menntunar til að starfa sem bréfberi. Starfsþjálfun fer fram innan viðkomandi fyrirtækja.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
