Leikskólakennsla til starfsréttinda er grunn- og framhaldsnám á háskólastigi. Í náminu fá nemendur innsýn í veruleika barna og þjálfun í samskiptum við þau og kennslu. Meðal annars er farið í rannsóknir á leikskólastarfi, barnamenningu, leik barna, málþroska, samskipti, samstarf og stjórnun.
Náminu lýkur með B.Ed. og M.Ed. prófum. Námstími til B.Ed prófs er þrjú ár og M.Ed. prófs tvö ár, samtals fimm ár.
Nám í leikskólakennslu fer fram við Menntavísindasvið Háskóla Íslands og nám í kennarafræði fer fram innan Hug- og félagsvísindasviðs Háskólans á Akureyri.
Tveggja ára diplómanám á leikskólastigi er einnig í boði hjá sömu skólum. Námið er bæði fræðilegt og starfstengt og að því loknu er möguleiki á að sækja um áframhaldandi nám til B.Ed. prófs.
Sjá nánar um inntökuskilyrði við Háskóla Íslands og Háskólann á Akureyri.
Námið er lánshæft til framfærslu hjá Menntasjóði námsmanna.
Fag- og stéttarfélög veita oft styrki til náms. Fáðu frekari upplýsingar hjá þínu félagi.
Nám í leikskólakennslu er fræðilegt og starfstengt. Námið er í boði í staðnámi og fjarnámi hjá báðum skólum.
Að loknu námi og við brautskráningu er leyfisbréf til leikskólakennslu veitt.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
