Kerfisfræði er grunnnám á háskólastigi. Í náminu er meðal annars farið í almenna tölvunarfræði, almenna forritun og vefforritun, reiknirit, hugbúnaðarfræði og stýrikerfi.
Náminu lýkur með diplómaprófi. Námstími miðað við fullt nám er tvö ár.
Kerfisfræði er grunnnám á háskólastigi. Í náminu er meðal annars farið í almenna tölvunarfræði, almenna forritun og vefforritun, reiknirit, hugbúnaðarfræði og stýrikerfi.
Náminu lýkur með diplómaprófi. Námstími miðað við fullt nám er tvö ár.
Við Tölvunarfræðideild Háskólans í Reykjavík er í boði diplómanám í tölvunarfræði sem samsvarar fyrstu tveimur árunum í BSc-námi. Einnig kennt á Akureyri, í samstarfi við HA.
Inntökuskilyrði eru stúdentspróf eða sambærilegt próf.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námið er kennt í staðnámi og fjarnámi og boðið upp á skyldu- og valnámskeið. Lokaverkefni er unnið á öðru ári.
Námsskipulag getur verið eftirfarandi:
Að loknu diplómaprófi er hægt að starfa sem kerfisfræðingur. Möguleiki er að halda áfram námi í tölvunarfræði og ljúka B.Sc prófi.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
