Rafvélavirkjun er starfstengt nám á framhaldsskólastigi. Í náminu felst að auka þekkingu og færni við uppsetningu og tengingu, eftirlit og viðgerðir hvers konar rafvéla og búnaðar á heimilum, fyrirtækjum og stofnunum. Hugsanlegt er að fá færni sem aflað er á vinnumarkaði metna.
Rafvélavirkjun er löggilt iðngrein. Meðalnámstími er um fjögur ár auk starfsþjálfunar.
Rafvélavirkjun hefur verið kennd við Tækniskólann – skóla atvinnulífsins.
Grunnnám rafiðna hefur einnig verið kennt í Fjölbrautaskólanum í Breiðholti, Fjölbrautaskóla Norðurlands vestra, Fjölbrautarskóla Suðurlands, Fjölbrautaskóla Suðurnesja, Fjölbrautaskóla Vesturlands, Framhaldsskólanum í Vestmannaeyjum, Menntaskólanum á Ísafirði, Verkmenntaskóla Austurlands og Verkmenntaskólanum á Akureyri.
Umsækjendur þurfa að hafa lokið skyldunámi í samræmi við Aðalnámskrá grunnskóla. Sjá nánar á heimasíðu skóla.
Námið er að hluta til lánshæft hjá Menntasjóði námsmanna. Fag- og stéttarfélög veita oft styrki til náms. Fáðu frekari upplýsingar hjá þínu félagi.
Rafvélavirkjun skiptist í almennar bóklegar greinar, sérgreinar og starfsþjálfun. Fyrstu tvö árin er farið í sameiginlegt grunnnám rafiðngreina en eftir það sérhæfa nemendur sig í rafvélavirkjun. Hægt er að fara tvær leiðir í náminu:
Nemandi gerir námssamning við meistara í faginu þar sem starfsþjálfunin fer fram. Athugaðu hvort námið eða hluti þess geti verið kennt í fjarnámi.
Að námi og starfsþjálfun lokinni er möguleiki á að fara í sveinspróf sem veitir rétt til starfa í greininni ásamt inngöngu í nám til iðnmeistaraprófs eða rafiðnfræði. Einnig er hægt að ljúka viðbótarnámi til stúdentsprófs.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
