Bifvélavirkjun er starfstengt nám á framhaldsskólastigi. Í náminu felst meðal annars að auka þekkingu og færni við greiningu og viðgerðir bilana í helstu gerðum ökutækja. Möguleiki er að fá færni sem aflað er á vinnumarkaði metna.
Bifvélavirkjun er löggilt iðngrein. Meðalnámstími er þrjú og hálft ár að meðtalinni starfsþjálfun þar sem fylgt er rafrænni ferilbók sem heldur utan um framvindu vinnustaðanámsins.