Landfræði er grunnnám á háskólastigi. Í náminu er fjallað um náttúruna og mannlegt samfélag, sér í lagi sambúð fólks og náttúru. Nemendur kynnast öllum helstu sviðum fræðigreinarinnar svo sem náttúrulandfræði, mannvistarlandfræði, kortagerð og greiningu stafrænna landupplýsinga.
Náminu lýkur með BS prófi. Námstími er þrjú ár.
Landfræði er kennd við líf- og umhverfisvísindadeild Verkfræði- og náttúruvísindasviðs Háskóla Íslands. Einnig er í boði tveggja ára framhaldsnám til MS-gráðu.
Inntökuskilyrði eru stúdentspróf eða sambærilegt próf. Sjá nánar um inntökuskilyrði.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námið byggist á skyldu- og valnámskeiðum og er kennt í staðnámi. Eftir fyrsta ár velja nemendur sér kjörsvið; náttúrulandfræði eða mannvistarlandfræði. Lokaverkefni er unnið á þriðja ári.
Landfræðingar starfa meðal annars að skipulagsmálum, við náttúru- og umhverfisrannsóknir, náttúruvernd, mat á umhverfisáhrifum, kortagerð og meðferð landupplýsinga, byggða- og atvinnuþróun og þróunarsamvinnu.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
