Skráningum hefur fjölgað mikið síðustu vikuna eða úr 40 liðum í 55 lið. Minnt er á að skráningarfrestur er til 15. maí og því betra að skrá sitt lið á næstu dögum til að vera viss um að komast á mótið. Auk íslenskra liða eru þegar skráð Liverpool Ladies, Norwich City, Ludogorets frá Búlgaríu, 07 Vestur frá Færeyjum og tvö lið frá Köge í Danmörku. Síminn Rey Cup er frábært mót og fyrir utan fótboltann eru sundlaugarpartý, grillveisla, ball á Hilton Nordica og hádegismatur og kvöldmatur alla daga á Hilton. Skráning fer fram á heimasíðunni reycup.is.