Vöruflutningabílstjórar starfa við flutninga á vörum, ýmist í eigin flutningabíl eða á vegum flutningafyrirtækis.
Í starfi sem vöruflutningabílstjóri ertu í samskiptum við aðra bílstjóra en einnig þá sem senda og taka á móti vörum svo sem starfsfólk vöruafgreiðsla.
Í starfi vöruflutningabílstjóra er mikilvægt að þekkja vel til vega og umferðamerkinga. Mikilvægt er að geta unnið sjálfstætt og sýnt þolinmæði og kurteisi hvort tveggja í samskiptum við viðskiptavini sem og í umferðinni. Góð líkamleg heilsa skiptir einnig máli enda getur starfið verið líkamlega erfitt.
Til að geta starfað sem vöruflutningabílstjóri þarf að hafa viðeigandi ökuréttindi sem fara eftir stærð bílsins. Einnig er stundum gerð krafa um að bílstjóri hafi lokið svokölluðu ADR námskeiði sem ætlað er ökumönnum sem flytja hættulegan farm. Þá er oft gerð krafa um vinnuvélaréttindi, til dæmis á lyftara.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
