Starfsumhverfi umsjónarmanns fasteigna getur verið mjög fjölbreytt. Þannig getur starfið falist í húsumsjón í smærri fyrirtækjum eða skólastofnunum, í íbúðabyggingum eða stærri byggingum á borð við íþróttamannvirki. Á sama hátt getur verið um að ræða allt frá léttu viðhaldi á húsnæði til þess að stýra tæknivæddu umhverfi með tölvubúnaði.
Umsjónarmaður fasteigna þarf að búa yfir færni í samskiptum, skipulagshæfileikum, geta unnið sjálfstætt og tekið frumkvæði. Jafnframt þarfnast starfið tölvufærni og þekkingar á ýmis konar hússtjórnarkerfa á borð við aðgangs-, bruna- og öryggiskerfa. Æskilegt er að umsjónarmenn fasteigna séu laghentir og hafi iðnmenntun sem hæfir starfinu.
Almennt er ekki gerð formleg krafa um menntun til að gegna starfi umsjónarmanns fasteigna en ýmis konar iðnmenntun getur verið mjög gagnleg.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
