Tamningamenn meta skapgerð hesta og ákveða hvernig best er að haga tamningu þeirra og þjálfun. Í starfinu felst að vinna traust hesta, undirbúa þá undir hlutverk sitt sem reiðhestar og þjálfa þá í svörun helstu ábendinga.
Tamningamaður getur unnið sjálfstætt eða við fyrirtæki á sviði hestamennsku svo sem við hrossarækt eða á tamningastöð.
Felast í að venja hest við að:
Tamningamenn þurfa að hafa mikinn áhuga á hestum, skapgerð þeirra, heilbrigði og vellíðan. Þekking á sögu íslenska hestsins og sérstöðu hans er æskileg ásamt innsæi og næmni á skapgerð og líðan hesta. Þolinmæði, ákveðni og sjálfstæð vinnubrögð eru mikilvægir eiginleikar í starfi tamningamanns sem þarf auk þess að vera í góðu líkamlegu formi.
Við hestafræðideild Háskólans á Hólum er boðið upp á tveggja ára nám í tamningum til diplómagráðu. Standast þarf inntökupróf í reiðmennsku. Þar er einnig í boði nám í hestafræði til BS – gráðu sem og við Landbúnaðarháskóla Íslands.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
