Verkefni skógarmanna og starfsmanna í skógrækt eru nokkuð breytileg eftir árstíðum. Í starfinu felst til dæmis að gróðursetja tré og plöntur, hirða skóginn, taka þátt í grisjun og taka á móti þeim sem kynnast vilja skógrækt á Íslandi.
Í starfi við skógrækt gætirðu unnið undir verkstjórn skógtæknis eða sambærilegs sérfræðings og jafnvel verið falin tímabundin mannaforráð sem flokksstjóri eða verkstjóri sumarstarfsfólks.
Skógarmaður þarf að vera vel á sig kominn líkamlega og kunna rétta líkamsbeitingu við þau störf sem unnin eru. Einnig er mikilvægt að þekkja helstu trjátegundir sem notaðar eru í skógrækt hér á landi.
Í skógrækt eru notuð ýmsar vélar og verkfæri svo sem keðjusagir, kjarrsagir og vinnuvélar auk dráttarvéla og tengdra tækja. Skógarmaður þarf að sjá um val á viðeigandi verkfærum og hafa réttindi á þau tæki sem notuð eru.
Í Landbúnaðarháskóla Íslands er í boði fagdeild skógar og náttúru og námsbrautir sem veita þekkingu á störfum sem lúta að skógrækt og umönnun umhverfis.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
