Starfsfólk í móttöku á gisti- og veitingahúsum tekur á móti viðskiptavinum, afgreiðir þá og veitir margvíslegar upplýsingar og þjónustu. Í starfinu felst oft að safna saman og miðla upplýsingum um þjónustu og afþreyingu fyrir ferðamenn, skrá þá í ferðir og taka á móti og vinna úr kvörtunum.
Sem starfsmaður í móttöku vinnurðu gjarnan vaktavinnu, miðlar upplýsingum á milli vaktastarfsmanna og vinnur undir umsjón móttökustjóra eða annars stjórnanda.