Starfsfólk í eldhúsum gisti- og veitingahúsa sinnir ýmsum störfum við matseld ásamt undirbúningi og frágangi undir umsjón faglærðra starfsmanna.
Sem starfsmaður í eldhúsi vinnurðu gjarnan vaktavinnu, miðlar upplýsingum á milli vaktastarfsmanna og vinnur undir umsjón faglærðra starfsmanna.
Starfsmaður í eldhúsi þarf að geta unnið sjálfstætt eftir fyrirfram gefnu skipulagi og fyrirmælum. Mikilvægt er að fara eftir þeim hreinlætiskröfum sem gerðar eru og þekkja vel til þeirra verkfæra og efna sem unnið er með.
Ekki er gerð formleg krafa um menntun í starfinu en ýmis starfstengd námskeið kunna að vera í boði svo sem í tengslum við Menntaskólann í Kópavogi eða Mími – símenntun.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
