Starfsmenn á smurstöðvum sjá um eðlilegt viðhald sem tengist bílvélum og bifreiðum. Í starfinu felst að taka gömlu olíuna af bílvél, setja nýja olíu á og færa upplýsingar inn í smurbók bifreiðarinnar.
Í starfi á smurstöð er líklegt að þú vinnir á fámennum vinnustað; á einkarekinni smurstöð, smurstöð í eigu olíufélags eða smurstöð sem rekin er í tengslum við bílaumboð.
Í starfi á smurstöð er nauðsynlegt að hafa grunnþekkingu á starfsemi bílvéla.
Ekki er krafist sérstakrar menntunar til starfa á smurstöðvum. Iðan fræðslusetur hefur hins vegar boðið upp á námskeið sem gagnast í starfinu.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
