Bílstjórar á sorphreinsibílum aka samkvæmt fyrirfram ákveðnu skipulagi og eru flokksstjórar þeirra sem tæma sorptunnur. Í smærri sveitarfélögum sjá þeir einir um sorphirðuna.
Í starfi bílstjóra sorphreinsibifreiðar ertu í samstarfi við verkstjóra, aðra bílstjóra, sorphreinsunarmenn og viðskiptavini.
Til að geta starfað sem sorphreinsunarbílstjóri þarf aukin ökuréttindi (meirapróf) en á gámastöðvum er einnig gerð krafa um vinnuvélaréttindi og réttindi til að aka með tengivagn.
Nám til aukinna ökuréttinda (meirapróf) til að aka gáma- eða sorphreinsibifreið má hefja 6 mánuðum fyrir 21 ára aldur. Til þess þarf að hafa almennt bílpróf og uppfylla aðrar þær reglur sem hið opinbera setur.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
