Prestar stýra helgihaldi og margs konar trúarlegum athöfnum, fræðslu og stuðningsþjónustu fyrir almenning. Í starfinu felst einnig að útskýra kennisetningar trúarinnar og tengja þær lífi fólks í samtímanum.
Í starfi sem prestur gætirðu haft umsjón með safnaðarstarfi í kirkju í samvinnu við aðra eða sinnt sérhæfðari þjónustu til dæmis sem sjúkrahúsprestur, fangaprestur eða prestur á vegum félagasamtaka.
Prestar þurfa að búa yfir samkennd, hjálpsemi og hæfileikum í mannlegum samskiptum. Heiðarleiki og samviskusemi eru nauðsynlegir kostir ásamt áhuga á kristilegum málefnum. Þá er hæfileiki til að miðla málum einnig mikilvægur eiginleiki og nokkur tungumála- og tölvukunnátta æskileg.
Í guðfræði- og trúarbragðafræðideild Háskóla Íslands er hægt að læra guðfræði til BA – gráðu sem er þriggja ára nám. Nám til embættisprófs er tveggja ára nám til viðbótar en ýmis konar framhaldsnám er einnig í boði.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
