Náms- og starfsráðgjafi

STARF

Náms- og starfsráðgjafi

Fjölmiðlar og upplýsingamiðlun| Hug- og raunvísindi| Kennsla, tómstundir og uppeldi

Náms- og starfsráðgjafar aðstoða við að þróa og móta náms- og starfsferil fólks sem til þeirra leitar. Starfið tengist þannig öllum skólastigum, sí- og endurmenntun og vinnumarkaði þar sem veitt er ráðgjöf við náms- og starfsval og fræðsla um nám, störf og atvinnulíf.

Náms- og starfsráðgjafi er löggilt starfsheiti.

Náms- og starfsráðgjafar starfa við ráðgjöf í skólum, fræðslustörf í fyrirtækjum og símenntun, atvinnuleit og endurhæfingu á vinnumarkaði. Verkefnin geta verið nokkuð ólík eftir því hvort um er að ræða ráðgjöf í skólakerfi eða atvinnulífinu.

Helstu verkefni

fræðsla um nám og störf
leiðbeina um vinnubrögð í námi
persónuleg ráðgjöf og stuðningur
ráðgjöf, hagsmunagæsla og upplýsingamiðlun
vinna við áhugagreiningu og áhugasvið
mat og greining á náms- og starfsfærni
miðlun upplýsinga um möguleika og framboð á námi og störfum

Hæfnikröfur

Náms- og starfsráðgjafar sækja starfsleyfi til menntamálaráðuneytis og er slíkt leyfi veitt þeim sem lokið hafa viðurkenndu háskólanámi í náms- og starfsráðgjöf. Í starfinu er nauðsynlegt að þekkja vel til íslensks skólakerfis og atvinnulífs, lagaumhverfis í náms- og starfsráðgjöf auk þess sem mikilvægt er að virða faglegar takmarkanir og þagnarskyldu þegar við á.

Félag náms- og starfsráðgjafa