Næringarfræðingar sinna rannsóknum í næringarfræði og vöruþróun auk þess að ráðleggja um mataræði. Í starfinu felst meðal annars að ráðleggja heilbrigðisyfirvöldum, matvælaframleiðendum, einstaklingum og félagasamtökum um ýmislegt sem varðar áhrif mataræðis á heilsu fólks. Næringarfræðingar eru löggilt heilbrigðisstétt.

Næringarráðgjafar geta sérhæft sig á ýmsum sviðum, svo sem í kennslu eða á sviði lífefna- og lífeðlisfræði, matvælafræði og næringarráðgjafar. Í starfi sem næringarfræðingur gætirðu starfað hjá einkafyrirtæki eða opinberri stofnun við almenna ráðgjöf, rannsóknir, eftirlit eða kennslu.