Ljósmyndarar vinna ýmist við ljósmyndatöku í ljósmyndaveri eða á vettvangi. Viðfangsefnin geta verið af ýmsum toga svo sem persónuljósmyndun, fréttaljósmyndun eða iðnaðar- og auglýsingaljósmyndun. Ljósmyndun er löggilt iðngrein.
Í vinnu sem ljósmyndari gætirðu til dæmis starfað á fjölmiðlum eða á auglýsinga- og ljósmyndastofum. Starfsumhverfi ljósmyndara hefur raunar breyst umtalsvert með tilkomu stafrænnar tækni og skarast nú töluvert við aðrar greinar á borð við vefsmíðar, kvikmyndagerð og þrívíddargrafík.