Kjötskurðarmenn vinna og verka kjöt, pakka því og ganga frá til sölu. Í starfinu felst einnig að raða upp í kjötborð og afgreiða viðskiptavini í verslunum.
Í starfi sem kjötskurðarmaður gætirðu unnið í kjötvinnslustöð, í kjötdeildum verslana eða í sláturhúsum.
Kjötskurðarmaður þarf að búa yfir þjálfun og hæfni til kjötvinnslu og geta borið ábyrgð á að meðferð og nýting hráefnis sé í samræmi við lög og reglur og innihaldslýsingar séu réttar. Í starfinu eru notuð ýmis handverkfæri og afar mikilvægt að gæta vel að hreinlæti í tengslum við allan búnað og húsnæði.
Kjötiðn er kennd í Menntaskólanum í Kópavogi og Verkmenntaskólanum á Akureyri. Raunfærnimat hefur farið fram og/eða kann að vera í boði.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
