Hafnarverðir starfa við leiðsögn og öryggiseftirlit við höfn en starfssviðið er nokkuð mismunandi eftir höfnum og landsvæðum.
Hafnarverðir sinna í sumum tilvikum starfi vigtarmanns og/eða koma að mengunarvörnum. Einnig hafa þeir samskipti og samstarf við bryggjuverði, hafnarstjóra, hafnsögumenn, slippmenn og umboðsmenn skipa.
Í starfi er oft gerð er krafa um skipstjórnar- og hafnsöguréttindi.
Slysavarnarskóli sjómanna stendur fyrir námskeiði fyrir hafnarverði um hafnaröryggi en ekki er kveðið á um menntun eða þjálfun hafnarvarða í lögum.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
