Gæðaeftirlitsmaður hefur eftirlit með hráefni, hreinlæti, þrifum og búnaði við fiskvinnslu til að mæta gæðakröfum fyrirtækis og kaupenda. Í starfinu felst að halda utan um skráningar, tilkynna um frávik og gera viðvart ef gæðum er ábótavant.
Gæðaeftirlitsmaður vinnur sem undirmaður gæðastjóra.
Gæðaeftirlitsmaður þarf þekkja vel til fiskvinnslu og þess hráefnis sem er til vinnslu hverju sinni. Mikilvægt er að hafa góða yfirsýn og vera til staðar þegar vinnsla er í gangi. Eftirlitsmaður þarf að geta unnið sjálfstætt, séð til að unnið sé samkvæmt verklagsreglum og leiðbeint og gripið inn í, ef gæðum er ábótavant.
Við Fisktækniskóla Íslands er í boði námsbraut í gæðastjórnun. Námstími er eitt ár sem skiptist í tvær annir og er kennt í dreifnámi og staðbundnum lotum.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
