Fornfræðingur

STARF

Fornfræðingar stunda rannsóknir á menningu Forngrikkja og Rómverja; sögu þeirra, bókmenntum og heimspeki. Fornfræði (eða klassísk fræði) tengjast hinum ýmsu greinum hugvísinda út frá kunnáttu í fornmálunum tveimur, forngrísku og latínu.

Fornfræði er mjög tengd greinum á borð við sagnfræði, heimspeki, bókmenntasögu og málvísindi og skilin óljós á milli klassískrar textafræði og fornfræði. Fornfræðingar starfa gjarnan við kennslu eða rannsóknir. Mögulegur starfsvettvangur gæti einnig verið staðir á borð við söfn, opinberar stofnanir eða bókaútgáfur.

Helstu verkefni

kennsla og rannsóknir
þýðingar
ritstörf og útgáfa

Hæfnikröfur

Þekking á forngrísku og latínu er ákveðin forsenda þess að geta starfað sem fornfræðingur og háskólapróf æskilegt í þeim tungumálum, klassískum fræðum eða tengdum greinum.

Um starfið á Vísindavef H.Í.

Námið

Klassík fræði eru kennd við Háskóla Íslands, sem aukagrein til BA-gráðu. Námið samanstendur af námskeiðum sem kennd eru á Hugvísindasviði, innan heimspeki, sagnfræði, grísku, latínu og bókmenntafræði.