Aðstoðarskólastjóri í grunnskóla tekur þátt í að skipuleggja skólastarfið, stjórna og eiga dagleg samskipti við nemendur, foreldra og samstarfsfólk með það að markmiði að vinnufriður sé í skólanum, nemendum líði þar vel og séu öruggir. Í forföllum skólastjóra ber aðstoðarskólastjóri ábyrgð á daglegum rekstri og starfsemi skólans.
Í starfi sem aðstoðarskólastjóri í grunnskóla ertu í miklu samstarfi við nemendur, foreldra, kennara og annað starfsfólk auk stoðþjónustu skólans.