Mikilvægt er að fólk geri sér grein fyrir og læri að koma orðum að eigin hæfni sem oft er meiri en virðist í fyrstu.
Almenn starfshæfni
Hvað er almenn starfshæfni?
Um er að ræða atriði sem mikilvæg eru í atvinnulífinu og sameiginleg flestum störfum. Aukin slík hæfni auðveldar fólki þátttöku á vinnumarkaði og ýtir undir æskilega starfsþróun.
Hvernig er hún metin?
Skilgreind hafa verið mælanleg viðmið út frá 11 mismunandi hæfniþáttum. Matið fer fram á símenntunarmiðstöðvum undir handleiðslu Fræðslumiðstöðvar atvinnulífsins.
Fyrir hverja?
Mikilvægi almennar starfshæfni felst í þeirri staðreynd að fólk flest skiptir um starf nokkrum sinnum á ævinni. Slík hæfni gagnast óháð stund og stað og þykir sífellt eftirsóknarverðari á vinnumarkaði.
Hvernig fer matið fram?
Þátttakendur vinna bæði einir og saman í hópum við að fylla út ítarlega matslista undir leiðsögn. Eftir úrvinnslu þeirra er unnið úr niðurstöðum í samtali við náms- og starfsráðgjafa og matsaðila.
Á hverju byggist matið?
Aðlögun
Að ná árangri í breytilegum aðstæðum
Ábyrg nýting
Verðmæta til að ná markmiðum
Árangursrík samskipti
Hlustun og tjáning
Jafnréttis-vitund
Eigin gildi í vinnu með öðrum
Mat og lausnir
Upplýst ákvarðanataka
Upplýsinga-tækni
Notkun í vinnuumhverfi
Samvinna
Til að ná markmiðum fyrirtækis
Skipulag
Áætlanagerð; innleiðing og aðlögun
Starfsþróun
Mat á eigin þörf fyrir sí- og endurmenntun
Upplýsinga-læsi
Söfnun og úrvinnsla
Vinnusiðferði
Gildi og starfsreglur vinnustaðar
Dæmi um niðurstöðumynd
Að loknu mati
Komið hefur í ljós að ferlið getur reynst mjög eflandi. Fólk áttar sig á eigin styrkleikum, sækir jafnvel um störf sem það treysti sér ekki til áður, fær vinnu eða hefur nám.