Nám á tölvubrautum framhaldsskóla er ætlað að veita grunnþekkingu á sem flestum sviðum tölvutækni auk undirbúnings í almennum bóklegum greinum. Náminu lýkur með stúdentsprófi.
Nám á tölvubrautum framhaldsskóla er ætlað að veita grunnþekkingu á sem flestum sviðum tölvutækni auk undirbúnings í almennum bóklegum greinum. Náminu lýkur með stúdentsprófi.
Tölvubrautir hafa verið í boði við Fjölbrautaskólann í Breiðholti, Fjölbrautaskóla Suðurnesja og Tækniskólann.
Umsækjendur þurfa að hafa lokið skyldunámi í samræmi við Aðalnámskrá grunnskóla með ákveðnum lágmarksskilyrðum sem best er að kynna sér á heimasíðum viðkomandi skóla.
Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Nám á tölvubraut er fyrst og fremst bóklegt með áherslu á tölvutengdar greinar auk almennra bóknámsgreina. Valgreinar er mikilvægt að skipuleggja með hliðsjón af aðgangsviðmiðum háskóla.
Nám á tölvubrautum framhaldsskóla getur verið góður og hagnýtur undirbúningur fyrir háskólanám í tölvutengdum greinum, verkfræði, stærðfræði og tæknigreinum.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
