Stjórendanámi er ætlað að efla faglega þekkingu stjórnenda, auka færni þeirra og bæta vinnubrögð. Námið er hugsað samhliða vinnu og eru a.m.k. tvær námsleiðir í boði:
Stjórnendanám er í boði á vegum Símenntunar Háskólans á Akureyri og Opna háskólans í HR.
Ekki eru gerðar forkröfur um menntun í námsleið Háskólans á Akureyri en námið í HR er „… ætlað stjórnendum með minnst þriggja ára stjórnunarreynslu og haldbæra menntun.“
Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námsleið Háskólans á Akureyri fer að öllu leyti fram í lotuskiptu fjarnámi þar sem unnið er með raunveruleg viðfangsefni sem tengjast stjórnun, verkstýringu og mannaforráðum. Hægt er að ljúka náminu á tveimur árum.
Námið í HR samanstendur af sjö staðbundnum lotum sem kenndar eru með um það bil fjögurra vikna millibili. Kennslan byggir að miklu leyti á hagnýtum verkefnum tengdum atvinnulífi og alþjóðaumhverfi.
Eftir námið geta stjórnendur og millistjórnendur sinnt sínum störfum með fjölbreyttari verkfæri í farteskinu.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
