Stærðfræðinám á háskólastigi snýst mikið til um hugtakaskilning, samband hugtaka á milli og ákveðin kerfi sem þau mynda. Áhersla er lögð á góðan fræðilegan grunn, gagnrýna hugsun og röksemdafærslur.
- Grunnnámi lýkur með BS gráðu
- Námstími er þrjú ár
Stærðfræðinám á háskólastigi snýst mikið til um hugtakaskilning, samband hugtaka á milli og ákveðin kerfi sem þau mynda. Áhersla er lögð á góðan fræðilegan grunn, gagnrýna hugsun og röksemdafærslur.
Háskóli Íslands hefur boðið upp á þrjár námsleiðir til BS – prófs í stærðfræði, stærðfræði BS, hagnýta stærðfræði og stærðfræði og stærðfræðimenntun. Þá hefur verið í boði framhaldsnám til MS gráðu, hvort tveggja í stærðfræði og tölfræði.
Inntökuskilyrði eru stúdentspróf eða sambærilegt nám með ákveðnum lágmarksfjölda eininga í stærðfræði og náttúrufræðigreinum.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Í grunnnámi í stærðfræði er sameiginlegur kjarni en síðan hægt að velja á milli sjö kjörsviða; stærðfræðigreiningar, reiknifræði, tölvunarfræði, eðlisfræði, sameindalíffræði, líkinda- og tölfræði, og hagfræði.
Starfsvettvangur stærðfræðinga er víðtækur svo sem hjá fjármála-, líftækni-, eða hugbúnaðarfyrirtækjum, verkfræðistofum eða tryggingafélögum.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
