Náms- og starfsráðgjöf er meistaranám á háskólastigi. Í náminu er lögð áhersla á að búa nemendur undir störf við náms- og starfsráðgjöf á fjölbreyttum vettvangi í skólum og atvinnulífi, ásamt rannsóknar- og þróunarvinnu á sviði náms- og starfsráðgjafar.
Nám í náms- og starfsráðgjöf er kennt innan Félagsvísindasviðs Háskóla Íslands.
Til að hefja nám í náms- og starfsráðgjöf þarf að hafa lokið þriggja ára grunnnámi við háskóla með fyrstu einkunn.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Náms- og starfsráðgjöf er skipulagt sem tveggja ára nám á meistarastigi. Námið skiptist í þrjá meginþætti; fræðileg námskeið, starfsþjálfun og lokaritgerð.
Að námi loknu er hægt að sækja um lögverndað starfsheiti sem náms- og starfsráðgjafi.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
