Næringarfræði til starfsréttinda er framhaldsnám á háskólastigi. Um er að ræða rannsóknarnám þar sem nemendur geta sérhæft sig á ýmsum sviðum, svo sem í klínískri næringarfræði, lýðheilsu- og samfélagsnæringarfræði og næringarefnafræði. Nemendur eru auk rannsóknavinnu þjálfaðir til að kynna og eiga í samskiptum um málefni tengd næringarfræði ásamt því að veita ráðgjöf.
Náminu lýkur með MS prófi. Námstími er tvö ár.
Næringarfræði til starfsréttinda er kennd við matvæla- og næringafræðideild Háskóla Íslands. Þar er einnig í boði grunnnám til BS-gráðu.
Inntökuskilyrði eru grunnnám í næringarfræði á háskólastigi (BS próf) með lágmarkseinkunn 7.
Nemendur sem hafa lokið BS prófi eða skyldum greinum (heilbrigðis- og lífvísindi eða raungreinar), með lágmarkseinkunn 7, geta sótt um inngöngu í meistaranám í næringarfræði en þurfa alla jafna að ljúka forkröfunámskeiðum áður. Að jafnaði tekur 1-3 misseri að ljúka forkröfunámskeiðum, eftir því hver bakgrunnur nemenda er.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Námið byggist á skyldu- og valnámskeiðum og er kennt í staðbundið.
Rannsóknaráherslur námsins eru: Næring viðkvæmra hópa, lýðheilsunæringarfræði, klínísk næringarfræði, næringarefnafræði, íþróttanæringarfræði, næring þróunarlanda, vöruþróun og neytendafræði.
Lokaverkefni til MS prófs er unnið á fimmta ári.
Að loknu MS prófi er hægt að sækja um leyfi fyrir starfsheitinu næringarfræðingur og starfa sem slíkur að því fengnu. Möguleiki er að fara í doktorsnám að loknu MS prófi.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
