Mannfræði er nám á háskólastigi þar sem áhersla er lögð á að rannsaka hin mörgu og ólíku samfélög mannfólksins, skilja hugmyndir okkar og athafnir út frá ýmsum hliðum svo sem þjóðerni, listum, fólksflutningum eða þéttbýlismyndun.
Nám í mannfræði hefur verið kennt innan Félagsfræði-, mannfræði- og þjóðfræðideildar Háskóla Íslands, hvort tveggja til BA prófs og meistaragráðu.
Inntökuskilyrði eru stúdentspróf eða sambærilegt nám.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Mannfræði er kennd bæði sem aðalgrein og aukagrein þar sem einnig er boðið upp á 60 eininga nám í líffræðilegri mannfræði. Valnámskeið geta verið fjölbreytt og tengjast oft málefnum líðandi stundar.
Öll námskeið í grunnnáminu má taka í fjarnámi en fyrirlestrar eru teknir upp og gerðir aðgengilegir á lokuðu vefsvæði fyrir nemendur.
Mannfræðingar starfa meðal annars við fjölmiðlun, minjasöfn, innflytjendamál, kennslu, þróunarsamvinnu, friðargæslu og erfðarannsóknir.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
