Iðnfræði er 90 eininga nám til diplómagráðu á háskólastigi sem hægt er að ljúka á þremur árum samhliða vinnu. Námið skiptist í þrjár brautir auk rekstrariðnfræði; byggingariðnfræði, rafiðnfræði og véliðnfræði.
Iðnfræði er 90 eininga nám til diplómagráðu á háskólastigi sem hægt er að ljúka á þremur árum samhliða vinnu. Námið skiptist í þrjár brautir auk rekstrariðnfræði; byggingariðnfræði, rafiðnfræði og véliðnfræði.
Iðnfræði hefur verið kennd við Háskólann í Reykjavík.
Með meistaranám í iðngrein eða stúdentspróf er hægt að hefja nám í iðnfræði án frekari undirbúnings en þau sem eingöngu hafa lokið bóklegu námi til sveinsprófs geta tekið allt að fjögur undirbúningsnámskeið í fjarnámi, samhliða iðnfræðináminu; stærðfræði, eðlisfræði, íslensku og ensku.
Til að hefja nám í rekstrariðnfræði þarf að ljúka diplómanámi í byggingar-, raf-, eða véliðnfræði. Sjá nánar um inntökuskilyrði.
Námið er lánshæft til framfærslu og skólagjalda hjá Menntasjóði námsmanna. Fræðslusjóðir stéttarfélaga veita oft styrki til náms. Fáðu frekari upplýsingar hjá þínu félagi.
Nám í iðnfræði skiptist á fjórar mismunandi brautir; byggingariðnfræði, rafiðnfræði og véliðnfræði auk almennrar rekstrarfræði.
Kennt er með fjarnámssniði samhliða tveimur staðbundnum helgarlotum á hverri önn þar sem teknar eru fyrir verklegar æfingar og einnig farið í fyrirtæki og verkefni unnin í raunumhverfi.
Iðnfræðingur er lögverndað starfsheiti og þarf að hafa lokið sveinsprófi í iðngrein á viðkomandi sviði auk iðnfræðinámsins til að útskrifast sem iðnfræðingur.
Náms- og starfsráðgjafar hjálpa til við upplýsingaleit og aðstoða að finna leiðir til að bæta færni í námi og efla í starfi.
